الاطفال والمكسرات
لا ينصح باضافه المكسرات لصندوق طعام طفلكم للمدرسه
مع العوده للمدارس، حبينا ننبهكم عن هالشغله مهم جداً تعرفونها .. لا ينصح باضافه المكسرات للنش بوكس عيالكم، ليش؟
حتى اذا عيالكم مافيهم حساسيه من المكسرات؟ اي نعم حتى اذا عيالكم مافيهم حساسيه .. بس ليش؟
اول شي لان المكسرات الكامله قد تسبب الاختناق للاطفال دون عمر ال٥ سنوات .. واهم من هذا، قد يكون طفل في نفس صف طفلكم فيه حساسيه من المكسرات
- بس شنو علاقه لنش بوكس طفلي بزميله الي فيه حساسيه؟
- الياهال وايد يحبون يشاركون اكلهم مع بعض قد يشارك اكله مع زميله
- ممكن زميله يلمس المكسرات الي بلنش بوكس طفلكم .. شلون اللمس بس يهيج حساسيته؟ اي نعم
- طفلكم ممكن يمسك ايد زميله او يلمه وبهدومه او ايده فيها بودره المكسرات او بقايا كافيه تهيج حساسيته
- ممكن زميله يقعد يم طفلكم واهوا ياكل المكسرات وبودره المكسرات ممكن تتطاير ويستنشقها زميله
- حساسيه المكسرات خطره وممكن يختنق الطفل منها ياريت تنتبهون وتتأكدون من المكونات المكتوبه مايكون فيها اي نوع من انواع المكسرات مثل: البندق، اللوز، الفستق، الكازو، البيكان، مكاديميا، والفول السوداني
- تنبيه للاهالي: مهم تنبهون المدرسه بحساسيه طفلكم بحيث يعرفون يتصرفون اذا لا سمح الله تعرض طفلكم للمكسرات .. الله يحفظ عيالكم🤍
